မိူဝ်ႈဝၼ်းတီႈ 17 လိူၼ်တီႇသႅမ်ႇပႂ်ႇ 2009 ၼၼ်ႉ ၵႃးလူင်ၵႂႃႇဝႆး ၸုမ်းဝိၼ်းၼႂ်း (Winner) ဢၼ်လႅၼ်ႈ မူႇၸေႊ တေႃႇ ဝဵင်းလိူဝ်ႇၼၼ်ႉ ပိၼ်ႈၵႂႃႇတီႈ မၢၼ်ႈပဵင်း ၸေႊဝဵင်းၵူတ်ႉၶၢႆ။
ၵႃးလူင်လမ်းၼႆႉ လႆႈပိၼ်ႈလူမ်ႉၵႂႃႇ ၽၢႆႇၶႂႃသေ မၢၼ်ႇတၢင်းၼႃႈတၢင်းလင် ဢိၵ်ႇမၢၼ်ႇႁူးလႅင်း ၽၢႆႇၶႂႃတင်းသဵင်ႈ တႅၵ်ႇလႅဝ်ၵႂႃႇသဵင်ႈ။ မီးၵူၼ်းမၢတ်ႇၸဵပ်း လုပ်ႇႁၵ်းသေတႃႉၵေႃႈ ဢမ်ႇမီးၵူၼ်းတၢႆသေၵေႃႉၼင်ႇၵဝ်ႇ။ ၼႂ်းၵႄႈၵၢင်ႇ ၸဝ်ႈၵႃးၶဝ်လၢတ်ႈၼၼ်ႉတႄႉ ၼႃႈပႆႇပိၼ်ႈၼၼ်ႉ ပရဵၵ်ႈပွင်ႇဝႆႉ ဢမ်ႇၸၢင်ႊႁတ်ႉလႄႈ ၸင်ႇလႆႈပိၼ်ႈလူမ်ႉၵႂႃႇၼႆယဝ်ႉ။
ၼႂ်းလိူၼ်ၼႆႉ ၵႃးလူင်ၵႂႃႇဝႆး (Express Bus) ၶဝ် ပဵၼ်ၵၢၼ်တေႉတေႉ။ ၵွပ်ႈပိူဝ်ႈ တီႈမိူင်းမၢၼ်ႊ ႁဵတ်းပၼ် ဝႂ်လူတ်ႉၶိုင်ႈလႄႈ ပိူၼ်ႈဢွၼ်ဢၼ် ၶီႇၵႃးလူင်ၵႂႃႇဝႆးၸိူဝ်းၼႆႉ ၶိုၼ်ႈမူႇၸေႊ သိုဝ်ႉလူတ်ႉၶိုင်ႈယဝ်ႉ ၶီႇမိူဝ်းၶိုၼ်း။ ၵွပ်ႈၼႆ ၵႃးလူင်းၵႂႃႇဝႆး ၸိူဝ်းၼႆႉ မိူဝ်ႈၶိုၼ်ႈ မီးၵူၼ်းၶီႇၼမ်သေတႃႉ မိူဝ်ႈလူင်းတႄႉ မီးတင်ႇၼင်ႈ 40 တေႃႇ 45 သေတႃႉ ၵမ်ႈၼမ် ၵွၺ်းမီး ၵူၼ်းသၢဝ်းပၢႆ။ လႆႈဢိင်ပိုင်ႈ ၼိူဝ်းၶူဝ်းမိူင်းၶႄႇ ဢၼ်လႆႈလၵ်ႉတေႃႉၼၼ်ႉၵွၺ်း။
